benvenuto su Castell'Alfero.net
Scopri Castell'Alfero > PERSONAGGI > Gianduja

Canzone su Gianduja di Angelo Brofferio 7/4/2006

Questa è una canzone scritta da Angelo Brofferio nel 1850 circa e dedicata a Gianduja.


GIANDOJA

Im ciamo Giandoja
I stagh a Turin
I beivo a la doja
I mangio d'grissin;
D' butir l'han fërtame
ël fidich e 'l prè:
Giandoja l'han fame
Giandoja veui stè.

I l'eu na gualdrapa
fodrà d'baracan,
na cera da papa
n'aptit da sovran;
a m'han regalame
un pnass da stampè:
Giandoja l'han fame
Giandoja veui stè.

Sul còl j' eu na cossa
ch'a val per doi mlon,
sul front j' eu na brossa,
sul nas un boton:
për lenga j' eu d'lame
da punse e tajè.
Giandoja l'han fame
Giandoja veui stè.

J’ eu d' pòrti dla fera,
D’ ciòchè ch' a smio d' fons.
J' eu un bel caval d’ pera
e tre cavai d'brons.
A m'han piturame
Për dnans e darè.
Giandoja l'han fame
Giandoja veui stè.

I Son d’ pasta fròla
S’a ‘m guardo d'bon eui;
i seu fè 'l badala
për piase ai subieui.
Ma m' ciamne a l'esame?
Son forca për tre.
Giandoja l'han fame
Giandoja veui stè.

Lesend la gasëtta
I dvento n'omnon,
d'istà a la Crosëtta
vad beive d'col bon:
a barsiga, a dame
son franch un grivoè,
Giandoja l'han fame
Giandoja veui stè.

La bola, la taja,
l'ussiè, l'esator,
che pòrca bataja!
Che fiero brusor!
Le braje son lame,
l'è fiap ël gilè...
Giandoja l'han fame
Giandoja veui stè.

Slinguè pér le còte
a l'è mè vei pcà,
am piaso le tòte
nè fie, nè marià:
d'contesse, d'madame
seu 'n fotre còs fè.
Giandoja l'han fame
Giandoja veui stè.

Për flema ch'i l'abia
s'am gatio 'l codin
i sauto dla rabia
parei d'un bibin.
I ciapo 'n fass d’rame
i bruso 'l pajè.
Giandoja l'han fame
Giandoja veui stè.

Pagand la gabela
i son Eletor;
i fas sentinela
al còfo d'Cavour
d'sità l’han creame
ses vòlte Consiè.
Giandoja l'han fame
Giandoja veui stè.

Vad vëdde Miss Ela
quand j' eu quaicòs d'rot:
si j' eu 'l stòmi an canela
vat beive 'l vermout:
për medich son piame
vin, lait e cafè.
Giandoja l'han fame
Giandoja veui stè.

Doe vòlte la sman-a
i son Giacobin:
dij fra la campan-a
am fa drissè ij brin;
a son d'plisse grame
ch'a venta dësblè.
Giandoja l'han fame
Giandoja veui stè.

Son d'secol ch'am toca
për val e për brich
pasgè con la roca
e un bast da borich:
ma 'l mond valo in fiame?
Contacc: viva 'l Re!
Gaàndojà l'han fame
Giàndoja veui stè.

 

 



Questo articolo proviene da Castell'Alfero.net
http://www.castellalfero.net/public/x

l'URL di questo articolo e':
http://www.castellalfero.net/public/x/modules/mysections/article.php?lid=110