Cribio
Ant tra nocc t'andavi
A sirchè ant la Val Versa er trifori,
còn te t'avi Cribio er tò can
o sapen an spala e na candaira an man,
ant ra sacocia quatr croston ad pan,
na scatora 'd suffranen,
mesa sigala ant er sacocen,
paraij trassà la Val Versa t'ancomansavi a giré
per voghi se chijca trifora 't riuscivi a truvé.
Barba Mario paraij 't ricord,
quand passand al fond dlà strà,
le dausen ar nost òrt,
at bitavi a subié, per feti conossi,
e ij nocc can nan fè baulé.
Na vota da scondon a j'heu seguiti,
l'ontan sent pass da te,
per voghi vandi si trifori t'andavi a trové,
j'heu vist come at favi,
con cola candaira an man,
e anmac quand er can, ra trifora l'ava segnà,
te tl'anviscavi,
peu con col sapen, fora tla tiravi,
per peu anfilela antel giacòn,
Anlura ir can at ciamavi,
Cribio, Cribio, ven què,
e in croston ad pan
an premi tij davi.
Vari agn a son passà,
da col dì che per semp er sapen taij lassà….
Stanòc a tò sognà,
mentri con er can, an slà strà,
at passavi sensa subié,
e con na vos che arconziva nan,
taij dime
"La sota a cola ro,
vanda tanc agn fa quand at tieri poch pù
che bardòt,
la vanda at sij amnimi a ducè,
se la at vaij na trifora 'd quatr etto a stà
per mairè,
t'haij nan dausogn er can per podeglia truvè,
bitte a girè pian... pian...
Antorn a cola ro, finchè at sentiraij,
come na preja sota a-i pè,
cinti e piglia an man,
e peu doman portla a la fera,
che faran a Castearfè,
da ra giuria a sarà premijà,
fitte 'd me aspeta nan,
ma me che per trifori son maij andà,
ant la bërlecia, am sòn girà,
e forsi am sòn gnanca asvijà.
Er dì dòp son andà ant'er pais
J'era la fera der trifori,
quand j'heu sentì ra giuria ciamè,
in triforau 'd Castearfè,
per ir prim premi dè,
am son ausinà a col'om
e j'heu ciamaje dua sa trifora l'ava trovà,
chiel ar voriva nen dilo,
ma peu vist che j'era insistent,
spustanzi anpòch dar banc,
ma dime semplicemant;
"Se at vori cherdije costa lè verità,
sa trifora gnon can a là segnà,
mè capitami sota a-i pè
stamaten, sota la ro
che j'è ant'er prà der Cichen,
ma er bel la ancora da amnì,
col'om a la continua a dì,
a t'anmagini maij pù,
chi la dime d'andè laggiù,
Dime dime j'heu ciamaje me,
e chial paraij a la continuà,
stanoc an sogn ver quatr e mesa,
j'era tò barba Mario che an ciamava da la fnestra,
ò paraij mi sugnava,
e la dime d'asbrujeme,
d'andè la e che sa trifora j'avrija trovà.
Des che ir premi j'heu ritirà,
e che di beij sòld a j'heu ciapà,
a vagg na messa feje dì
ar pì grand trifurau che j'heu cunzì,
tò barba Mario, col che stava an Puijran,
col brav om la fami amnì,
in trifurau….anche mi.
|
|