La
taja
Se am permetti mi avcont,
comè l'é andaja sa facenda,
a l'inissi a-i han bità la taja (1)
an sel carette da man,
l'era in bol facc con in tòch ad tòla (2)
con ansima stampiglià l'ann.
L'era cola a taja per la proprietà,
la costava des lire,
col tòch ad lamera (3)
ma at permetiva,
an gir per la strà d'andè.
Peu vist che al rendiva,
a-i han pensà ban ad fè
paghe na lira per bolé (4)
in at tòch ad tòla dè
da tachè a la baròssa.
Vist che la gent as lamentava,
ma tucc j'agn la pagava,
a-i han tassate anche il can,
per la uardia che al fava,
peu a-i é rivaje la tassa 'd famija
a sistemeti propi ban.
Ant el piòle e an sle piasse
as sentiva anmac crijè,
tuti si boj, tute se taje son da gavè,
chi comanda, chi l'ha poteri 'd modifichè
cost andass, per so strà amplijè,
tant o studia per sirchè,
e natra taja 'd trovè.
Pù nan an sla caretta da man,
pù nan an sla barossa,
ma an sla bicicletta ch'l'era pen-a rivà,
e col berlicio (5) at l'ha bolà.
Peu per ascurtè an pòch sa stòria,
e finì, se peuss an gloria,
a-i han bolàte el novità,
che an gir a-i è rivà,
l'han fate anche paghè,
la taja per andè a pissè !!!!
e an gir as podiva nan sbardè,
diversament doppia taja at tocava paghè,
a-i han peu anventà el conteur (6)
a t'l'han piombà,
paraij natra tassa t'hai pagà.
Cara gent costa l'è la storia,
lor j'han dite 'd votè,
che na taja vorivo gavè,
ma sicome t'hai votà,
la tassa an sla tassa a l'é la novità!!
Ige, Iva, Ilor, Irpef cost son ij nom ad garansia,
e j'è chi ij paga,
e chi j'ha sghija vija.
Ma se peuss devi in consigl,
mi av dig da stè svij,
pirchè sa storia le peu finija,
e se m'asbreuj nan visev-na
m'an tasso anche stà poesia.
Note
1) taja = tassa imposta
2) tòla lamiera latta
3) lamera lamiera
4) bolè bollare
5) berlicio damerino
6) conteur contatore
|