I
traij pin
Stamaten quand am son asvijà, masmijava che chijch cos da stran ar dovijsa capitè, j'era in temp strann, in'aria fergia che a penetrava joss, e come samp tocc ij sant dl'an son anviarà vers er bar per piemi in cafè.
Lì a-i j'heu santì loch che javrijo facc tra poc so ant'er pais, am son asgagià a piè col cafè, pirchè javrija vorsì voghì ancora an pè, col tre pianti 'd pin, che frà poch javrijò tajà.
J'heu faje in gir antorn a si pianti, a so plucia a j'heu tocà, era umida e tuta bagnà, con er man pustaje an sla scorza, massmijava 'd senti scuri andan a coj tronch, ra vita 'd col pianti, ra vita mia e 'd tocc ij paisan 'd Castearfè, massmijava che tra lor a barbotajso, che as contaiso come er saria stà el so amnì.
Er prim pin ar diva; Me an taijran an sing toch, e sicoramant er me bion ar servirà per fè in bel taulòn,… "fate njune ilusiòn, er barbotava er terss,……… finima tocc an tanc toch da brissè!."
Rè po' pòssibol, er diva er second, simà tròp beij, san per finì paraij, chissà forse amniroma sculturi, opura ass per i mobiliè, eu perlini da suffitaturi propi per esagerè.
Er prim au riprendiva disand: per mi re finija, son anche ir pì vegg, passiansa, ma ti azaij vari at sij pì giovo 'd me?… Ti 'd dovrio lassè stè, ….. ciao a tucc, la motosega i mè tòr ancomansa a tajè, ciao vent impertinent che doi tor a taij squarsami, ciao tera che taij alvami, ciao bel Castearfè che taij guardami, am na vag con tanta malincunia das post ansi bel, ciao anche a te campanen, che con me a sfida a chi l'era pì aut a t'aij vorsì fè, t'ieri nan pi grand, peu con in pocc ad causin-a e di mon, cinquant'agn fa' at maij supera, e des che quinturna 'd sij er pì grand, des summi cola tua meledija, cola che at laisi par si to paisan.
Guarda vari gent a j'è amnije, tuti voro vugme per l'utima vota, però gnun 'd si present, j'han ideja 'd come nujacc jabiju tajà er vent, come noij jabiju fermà certi buferi, certi culp, maij la losna a mà colpì, anche se vori voti qui anturn a la tacà, stevna benn e ricurdene, parlena 'd noij a-i vost fiò a-i vost anvud, noij as nan duma con ra certessa che ir nost dover l'uma compì.
Custe paroli massmija d'aveij sentì.
Peu spostanmi ver ra gent che j'era li, j'heu scutà ij discurs che favo ij present, e li ogniden ar diva la sua an sima a si traj pin.
"Si pin a l'à piantaje er cunt, quand dai so gir anturn ar mund a lè rivà" macchè diva in'atr, si pin a son a ricord 'd col giovnòt 'd De Rolandiss, col che l'è stà ampicà", mentri anpoc pì an là atra gent a diva" Cume agliu spiegoma a-i nost giovnòt ir motiv che j'oma dovije campè su.
J'ero san beij robust, ma j'ero anche in pericol verament, pirchè a stavo ansima a la suletta 'd col stansion vanda bunanima der Trieste a rava la so forgia, vanda ar fava er frè, e peu er raijss di sì pin a j'ero andan a stanta centim 'd tera, e coj che stavo suta ar ver, tute er voti che j'era anpoch 'd vent, a termuravo per la pau che is pianti drucavu.
Con urgiansa a l'à urdinà, col' ingenijè der genju civil, si pianti 'd tajè, sensa aspitè er bel tamp pirchè si pianti son in pericol per la gent.
Mi son nan in'ingenijè e pòs nan contrubati si discurs e peu am na pij ben uardja, ma is post ades che j'è pi nan coj traj pin a rè propi brut, le amnì er post pì scartà der mond.
Mentri prima tocc amnivo què, chi per fimessì in sigarat an santa pass, chi per nen fessi vughi da coj che j'era an piassa, ac per voghi i pais che j'è qui anturn, per vughi la Val Versa, opora semplicement per gudissi s'umbra udurusa.
Suquì is stamaten j'heu sentì, e subit ad brut a j'heu dovilo bitè su scrivilo an sin papè, anche se j'ava fragg ar man j'heu dovilo finì, scrivi is salut a si traj pin che adess a-i son pù, ij na camiunà 'd bosch, 'd coj bion j'han facc, e tut lè fini, 'd coj traj pin j'è pì niente, forsi chijca fotografia, scataja chissà quand, forse nà bela giornà d'acc tamp.
Traj azamber doimila doi, is stamaten, j'era n'aria fergja e zraja, nivuri grisi an ciel, ma là an sra miraja j'era però ij traj pin, ades che mesdì a rà sunà, er ciel ausmija pì ciar, j'è semp l'aria zraja, ma là an srà miraja a j'è pì nen coj traj pin.
|
|