Sarija
Ant ij momant d'arlass,
suans am bit a pensé,
a la vita, che as fava qué,
tant tamp andré.
An sent an tzi moment,
an compagnia 't tanta gent,
che per si val e si brich pendent,
sodor e fam a j'han patì sò dent.
Am sant alger paj na feuja,
che vent 'd mars a fà girolé,
er vos dla gent,
arconòs a tel parlé.
"Viandant che da 's santé at pasi,
ascutmi, loch che at dig;
Qué ij tò vegg son riposassi,
qué per ani j'han vivì,
andan as beucc j'han dromì,
...què ij tò j'ero an fasi,
qué na vita 'd tribolassion a j'han finì."
Coste vos che sent,
forsi j'ero dl'otsent,
forsi j'ero 'd sarija a stent,
vos cunzie dla mé gent.
Paraij er cheur a-j piass ascoté,
er pass ad coj che j'han vivì qué,
ad coj che a strà a m'an drobì,
sòn vos che noj joma da chidì.
Se si vos stoma ascoté,
a serija a peur nan torné,
e gnente foma cambié,
ma o nòst cheur,
pù alger e alegher a ré.
|